Першая краіна ў свеце забараніла міністрам замежныя камандзіроўкі на фоне нафтавага крызісу
Сенегал забараніў замежныя камандзіроўкі для міністраў, стаўшы першай краінай у свеце, якая прыняла такое рашэнне.
Фота: JoanValls/Urbanandsport /NurPhoto via Getty Images
Гэты крок стаў адказам на энергетычны крызіс, выкліканы вайной паміж Іранам і ЗША. Прэм’ер-міністр Усман Сонка заявіў, што дазволены будуць толькі крайне неабходныя службовыя паездкі, піша Bild.
Мэта такіх мер — рэзкае скарачэнне дзяржаўных выдаткаў. Прычынай стаў значны рост цэн на нафту.
Сенегал, будучы імпарцёрам нафты, асабліва моцна пацярпеў ад крызісу, паколькі першапачаткова разлічваў на значна ніжэйшыя выдаткі.