У Барысаве падлетак так загруз у гразі, што выцягвалі ратавальнікі
У службу МНС патэлефанаваў хлопец сказаў, што ягоны сябра захрас у гразі каля шматкватэрнага дома на вуліцы Полацкай.
Скрыншот з відэа
Высветлілася, што 15‑гадовы хлопец катаўся на ровары і не заўважыў гразкую яміну. Ён у яе праваліўся, а калі паспрабаваў дастаць ровар, то сам загруз у гразі амаль па пояс.
Выбрацца самастойна ён ужо не мог, таму на месца выклікалі ратавальнікаў. Яны з дапамогай падручных сродкаў і спецыяльнай вяроўкі дасталі падлетка з гразі і перадалі яго медыкам для агляду.
Траўмаў пацярпелы не атрымаў.