У Мазырскім раёне мужчына загінуў, катаючыся па полі на квадрацыкле
Інцыдэнт здарыўся вечарам 5 красавіка каля вёсак Лубня і Навікі. 38‑гадовы мужчына, жыхар аграгарадка Крынічны, ехаў па полі на квадрацыкле, але ў нейкі момант страціў кіраванне, паведамляе тэлеканал «Мазыр».
Скрыншот з відэа
Квадрацыкл з’ехаў у меліярацыйны канал і перакуліўся. Мужчына ў выніку атрымаў цяжкія траўмы і загінуў на месцы.
Паводле папярэдняй інфармацыі, кіроўца быў цвярозы і знаходзіўся ў ахоўным шлеме.
Па факце здарэння праводзіцца праверка, якой займаецца Следчы камітэт.