Рыбак злавіў на Нёмане сазана памерам з парася ФОТА
Удалая рыбалка адбылася каля горада Масты ў Гродзенскай вобласці, піша Fishing.by. Рыбіна заважыла амаль 13 кілаграмаў.
Фота: Fishing.by
Спачатку мужчына пайшоў на рыбалку, каб злавіць жэраха, але гэта яму не ўдалося. Затое нечакана на спінінг трапілася іншая рыбіна — вялізны сазан.
Сам рыбак назваў свой улоў «парасём» з-за памеру. Рыба важыла 12,85 кілаграма. Ён падзяліўся навіной у тэматычнай групе, расказаўшы, што лавіў на прынаду — ратлін вагой 19 грамаў.
Пры гэтым цікава, што рыбіна не была выпадкова зачэпленая — яна сапраўды, агаладаўшы пасля зімы, клюнула на прынаду для драпежных рыб, хоць сам сазан і не драпежнік.
Чытайце таксама:
Рыбак злавіў пад Мінскам шчупака вагой 12 кілаграмаў
У Клічаўскім раёне браканьеры злавілі больш за тысячу рыбін
Беларускі рыбак паказаў, як злавіў рыбіну памерам з дзесяцігадовае дзіця ВІДЭА
У Японіі заплацілі каля 3,2 мільёна даляраў за блакітнага тунца. Гэта рэкорд