У Пінску бацька падарыў дачцэ на дзень нараджэння фальшывыя 100 даляраў
Спроба абмяняць падораную валюту кепска скончылася для 16‑гадовай жыхаркі Пінска.
Дзяўчына прыйшла ў банк са стодаляравай купюрай, якую ёй прэзентаваў бацька, але касірка заўважыла падробку і націснула трывожную кнопку.
Аказалася, што фальшыўку прывёз з-за мяжы 57‑гадовы бацька імянінніцы. Мужчына вырашыў зрабіць дачцэ каштоўны падарунак, паводле яго слоў, ён не падазраваў, што грошы несапраўдныя.
Экспертыза пацвердзіла: купюра была надрукаваная не на дзяржаўным прадпрыемстве. Цяпер міліцыя высвятляе ўсе абставіны з’яўлення фальшыўкі ў сям’і.