Прызначаны новы віцэ-прэм'ер
Лукашэнка прызначыў Аляксандра Церахава віцэ-прэм'ерам па пытаннях будаўніцтва, транспарту і ЖКГ.
Да гэтага часу Аляксандр Церахаў займаў пасаду генеральнага дырэктара дзяржаўнага вытворчага аб'яднання «Мінскбуд». А да гэтага цягам шэрагу гадоў узначальваў Міністэрства жыллёва-камунальнай гаспадаркі.
«Што тычыцца будоўлі, я думаю, праблем у цябе тут няма. Ты ўжо асвоіў гэта як след. Жыллёва-камунальную гаспадарку таксама ведаеш», — сказаў Аляксандр Лукашэнка.
Ён адзначыў, што на гэту пасаду віцэ-прэм'ера быў шэраг прапаноў.
«Я пагадзіўся на тваю кандыдатуру толькі таму, што ты практычна многае паспрабаваў і ўвогуле нядрэннае прадпрыемства», — падзяліўся кіраўнік дзяржавы.
64‑гадовы Анатоль Сівак з 2020 года займаў пасаду намесніка прэм'ер-міністра перад Церахавым. Куды яго прызначаць, пакуль не вядома.