Кітайскія будаўнікі выйшлі з масавым пратэстам на вуліцы ў Камсамольску-на-Амуры
Кітайскія рабочыя прайшлі праз увесь горад. Яны пратэстуюць з-за нявыплаты заробкаў.
У Камсамольску-на-Амуры рабочыя з Кітая, якія працуюць на мясцовым нафтаперапрацоўчым заводзе, выйшлі на масавую акцыю пратэсту. Будаўнікі кампаніі «Петра-Хэхуа» прайшлі маршам праз увесь горад, трымаючы ў руках плакаты на кітайскай мове і на рускай, паведамляе канал «Касаткин пишет».
На банэрах заўважаны звароты да Уладзіміра Пуціна і кіраўніка «Раснафты» Ігара Сечына з патрабаваннем вярнуць заробленыя грошы.
Мэр горада Дзмітрый Заплутаеў пацвердзіў факт акцыі, заявіўшы, што адміністрацыя і сілавікі ўжо вядуць перамовы з пратэстоўцамі.