Упершыню ў Беларусі: дольшчыкі «Мінск-Свету» падалі калектыўны пазоў супраць забудоўшчыка
На рынку нерухомасці Беларусі адбываецца гучная падзея: упершыню грамадзяне аб’ядналіся для калектыўнага пазову супраць буйнога забудоўшчыка. Гаворка ідзе пра кампанію «Дубай Інвестмент», якая займаецца ўзвядзеннем кварталаў у «Мінск-Свет». На аб’яву ў «Звяздзе» звярнула ўвагу эксперт па нерухомасці Наталля Літоўская.
Фота: lookby.media
Ініцыятарам заявы выступіла грамадскае аб’яднанне «На баку права», якое абараняе інтарэсы дольшчыкаў і ўласнікаў кватэр. Галоўнае патрабаванне групы асоб — кампенсацыя маральнай шкоды. Справа ўжо прынятая да вядзення судом Першамайскага раёна Мінска.
Прычыны і сутнасць пазову не называюцца.
Далучыцца да пазову могуць усе пацярпелыя дольшчыкі і ўласнікі памяшканняў у гэтым комплексе. Для гэтага неабходна падаць заяву ў Суд Першамайскага раёна г. Мінска да 8 мая 2026 года.
Для Беларусі працэс — першы такі, бо раней падобныя спрэчкі з забудоўшчыкамі вырашаліся выключна ў індывідуальным парадку.