П'яны аршанец так збіў кіроўцу маршруткі, што той зламаў нагу
Здарэнне адбылося мінулай восенню, паведаміла Генпракуратура.
61‑гадовы жыхар Оршы з малым сынам збіраўся з Віцебска вярнуцца ў Оршу на маршрутцы. Але забраніраваў толькі адно месца. Падчас пасадкі ў маршрутку ён быў у нецвярозым стане.
Кіроўца зрабіў яму заўвагу, а мужчына ў адказ нецэнзурна вылаяўся, а пасля ўдарыў кіроўцу кулаком у галаву.
Завязалася бойка, і мужчына штурхнуў кіроўцу — той выпаў з аўтамабіля на пасадачную платформу і ўдарыўся аб бардзюр. У выніку кіроўца атрымаў цяжкія цялесныя пашкоджанні: закрытыя пераломы правай нагі.
У выніку справа дайшла да суда, мужчыну інкрымінавалі артыкулы 339 і 155 Крымінальнага кодэкса. На судовым пасяджэнні абвінавачаны цалкам прызнаў віну.
Яго аштрафавалі на 110 базавых велічынь (4,4 тысячы рублёў).