Сын беларускага палітэмігранта спрабаваў забіць сябе ў Чэхіі. Ён у коме, а бацька шукае дадатковую кансультацыю беларускіх медыкаў
Бацька жыве ў іншай краіне, але ўжо прыехаў у бальніцу, дзе ратуюць хлопца.
Фота: Дзяржаўны камітэт судовых экспертыз
У Чэхіі сын беларускага палітычнага эмігранта спрабаваў атруціцца вялікай дозай прэгабаліну — гэтыя лекі прызначаюць пры болях і трывозе. Цяпер хлопец знаходзіцца ў адной з раённых бальніц, ён у рэанімацыі пад ШВЛ. Хлопец у коме, яго ўнутраныя органы працуюць, але мозг часткова пашкоджаны.
Хлопцу аказваюць медыцынскую дапамогу, але бацька хоча пракансультавацца з беларускімі таксіколагамі і неўролагамі, каб пачуць дадатковыя меркаванні спецыялістаў.
«Гэта трагічны выпадак. Офіс дэмакратычных сіл знаходзіцца на сувязі з бальніцай, дзе ляжыць малады беларус, і ягоным бацькам, які цяпер у вымушанай міграцыі ў іншай краіне і які прыехаў у Чэхію, калі толькі стала вядома пра сітуацыю з сынам.
Таксама па просьбе бацькі мы звярнуліся да беларускіх рэпрэсаваных медыкаў, якія пераехалі ў Чэхію па праграме Medevac, да прадстаўніцы ByMedSol і да старшыні асацыяцыі рускамоўных дактароў у Чэхіі Doktor Čechov з просьбай дапамагчы кантактамі таксіколагаў і неўролагаў», — кажа Крысціна Шыянок, кіраўніца Офіса дэмакратычных сіл у Чэхіі.
Чытайце таксама:
Колькасць салодкага ў раннім дзяцінстве істотна ўплывае на здароўе ў дарослым жыцці