Лаўроў: Аднаўленне перамоваў з Украінай «не з’яўляецца прыярытэтам нумар адзін»
Пра гэта кіраўнік МЗС Расіі паведаміў на Антальскім дыпламатычным форуме, паведамляе «Дождь».
Фота: Alexander Nemenov / Pool Photo via AP
Паводле яго слоў, «Масква нікому не навязвала» перамовы, і іх аднаўленне «не з’яўляецца прыярытэтам нумар адзін для Расіі».
Пры гэтым Лаўроў адзначыў, што Расія «ўспрымае пазітыўна магчымасць аднаўлення перамоваў у Стамбуле».
Нагадаем, што перамоўны працэс з удзелам ЗША спыніўся ў канцы лютага. У пачатку сакавіка меўся адбыцца чарговы раўнд у Абу-Дабі, але ён быў адменены з-за сітуацыі вакол Ірана і з таго часу не аднаўляўся.