Выйшаў зборнік народных казак «Ішоў Бай па сцяне»
У выдавецтве Нацыянальнай Акадэміі Навук пабачыла свет кніга «Ішоў Бай па сцяне…: беларускія народныя казкі ў літаратурнай апрацоўцы Юрыя Пацюпы», паведамляе De facto.
Казкі для новага выдання былі падрыхтаваныя на аснове фальклорнага матэрыялу з фондаў Цэнтра даследаванняў беларускай культуры, мовы і літаратуры НАН Беларусі.
Літаратурная апрацоўка народных твораў паэтам і мовазнаўцам Юрасём Пацюпам робіць іх даступнымі для ўспрымання сучаснай чытацкай аўдыторыяй.
Кніга ілюстраваная мастачкай Маяй Пейхвасэр і налічвае 87 старонак.