Масква атрымала запрашэнне на саміт G20 у Маямі на найвышэйшым узроўні
Мерапрыемства пройдзе 14—15 снежня 2026 года.
Фота: Sefa Karacan/Anadolu via Getty Images
МЗС Расіі заявіла, што Масква атрымала запрашэнне на саміт G20 у Маямі на вышэйшым узроўні. Пра гэта расказаў намеснік кіраўніка расійскага МЗС Аляксандр Панкін, піша «Настоящее время».
Мерапрыемства пройдзе 14—15 снежня 2026 года ў ЗША.
«Ёсць запрашэнне прысутнічаць на самым высокім узроўні, але мы паглядзім бліжэй да даты: Бог ведае, што адбудзецца да таго часу», — сказаў Панкін.
У канцы 2025 года пасол па асаблівых даручэннях МЗС Расіі па пытаннях G20 і АТЭС Марат Бярдзееў казаў, што Расія актыўна рыхтуецца да саміту ў Маямі і ўжо прызначыла сваіх прадстаўнікоў «па ўсіх указаных кірунках».
Прадстаўнік Расіі ў G20 Святлана Лукаш адзначала, што амерыканскія ўлады разлічваюць убачыць на саміце лідараў усіх краін-удзельніц, у тым ліку Уладзіміра Пуціна. Апошні раз ён асабіста ўдзельнічаў у саміце G20 у 2019 годзе.