На пятніцу прагназуюць замаразкі і моцны вецер
Сіноптыкі папярэджваюць, што ў Беларусі 24 красавіка чакаецца рэзкае пахаладанне і замаразкі.
Здымак ілюстрацыйны. Фота: freepik.com
Уначы тэмпература ў большасці рэгіёнаў апусціцца да 0…—3 °C, а на паўднёвым захадзе будзе крыху цяплей — ад +1 да +5 °C. Удзень паветра прагрэецца толькі да +8…+14 °C.
Таксама прагназуецца моцны парывісты вецер, месцамі яго хуткасць можа дасягаць да 20 м/с. Ападкаў у пятніцу не чакаецца, але ўжо ў выхадныя прагназуюцца дажджы, а ў нядзелю нават мокры снег.
Сіноптыкі адзначаюць, што ветранае надвор’е можа захавацца і ў наступныя дні, таму рэкамендуюць улічваць умовы пры планаванні паездак і быць асцярожнымі на адкрытых участках дарог.
Чытайце таксама:
Сіноптыкі папярэджваюць, што вясна з Беларусі часова адступіць