Міністр замежных спраў Польшчы сустрэўся з Джонам Коўлам
Сустрэча Радаслава Сікорскага і спецпрадстаўніка прэзідэнта ЗША па Беларусі адбылася ў Варшаве.
Фота: Przemysław Keler / KPRP
«Важныя справы», — так Сікорскі пракаментаваў іх сустрэчу ў X, але падрабязнасцяў абмеркавання ён не прывёў, піша DW Belarus.
Пасля кожнага візіту ў Мінск спецпасланніка ЗША па Беларусі Джона Коўла ўлады Беларусі вызваляюць палітвязняў.
У спісах на вызваленне не раз быў палітвязень, журналіст і актывіст польскай дыяспары ў Беларусі Анджэй Пачобут, вызвалення якога дамагаецца польскі бок, аднак ён дагэтуль знаходзіцца ў зняволенні.
Раней у праўладных беларускіх СМІ заяўлялі, што палітвязня вызваляць толькі пасля таго, як у Мінск прыедзе высокапастаўлены чыноўнік польскага МЗС або ж сам міністр замежных спраў Радаслаў Сікорскі.