Сабаленка выбыла з турніру ў Мадрыдзе
У 1/4 фіналу ўчора першая ракетка свету прайграла амерыканцы Хэйлі Баптыст (32‑і рэйтынг) — 6:2, 2:6, 6:7 (6:8).
Фота: Robert Prange / Getty Images
У трэцім сэце барацьба была вельмі напружанай, прычым Сабаленка не рэалізавала шэсць матчболаў. У выніку справа дайшла да тай-брэйку, які выйграла амерыканка.
Варта адзначыць, што Сабаленка ўжо больш за паўтара года знаходзіцца на вяршыні сусветнага рэйтынгу, а з пачатку гэтага года выйграла тры турніры: у Брысбене, Індыян-Уэлсе і Маямі.