У Мінску пяцігадовае дзіця трапіла пад машыну ў двары
Паводле інфармацыі ДАІ, здарэнне адбылося раніцай 30 красавіка. Пяцігадовае дзіця трапіла пад аўтамабіль у двары дома №23 па вуліцы Мірашнічэнкі.
За рулём аўтамабіля Renault знаходзілася 50‑гадовая жанчына, якая здзейсніла наезд на хлопчыка.
Паводле папярэдніх звестак, дзіця раптоўна выбегла на праезную частку з-за прыпаркаванага аўтамабіля.
Таксама паведамляецца, што ў момант здарэння хлопчык знаходзіўся без нагляду бацькоў.
Дзіця даставілі ў медыцынскую ўстанову для агляду і абследавання.