У Швейцарыі футбольны чэмпіянат выйграла каманда, якая год таму выступала ў другім дывізіёне
Суперлігу выйграў ФК «Тун».
Заўзятары вітаюць футбалістаў на гарадской плошчы. Фота: інстаграм клуба
За тры туры да фінішу «Тун» адарваўся ад пераследнікаў — «Санкт-Галена» і «Лугана» — на 11 балаў у чэмпіёнскай «шасцёрцы». У чэмпіёна 74 балы ў 35 матчах.
Што праўда, у суботу «Тун» прайграў «Базелю» з лікам 1:3, але «Санкт-Гален» у нядзелю прайграў «Сьёну» з лікам 0:3 і страціў шанцы на чэмпіёнства.
Soccerstand.com
Чэмпіянат Швейцарыі праходзіць па наступнай схеме. Спачатку 12 каманд гуляюць у тры колы (33 туры), а потым разбіваюцца на дзве шасцёркі і гуляюць па пяць тураў. Аналагічна разыгрываецца чэмпіянат Шатландыі.
Гэта першы ў гісторыі чэмпіёнскі тытул «Туна». Год таму каманда выступала ў другім дывізіёне (Чэлендж-ліга).
У Лізе чэмпіёнаў клуб стартуе з другога кваліфікацыйнага раўнду.
Учора таксама вызначыўся чэмпіён Італіі, ім у 21‑ы раз датэрмінова стаў міланскі «Інтэр», у «Партугаліі» тытул заваяваў «Порту» (31‑ы ў гісторыі).