Лукашэнка з Пуціным заўтра разам павячэраюць
Памочнік прэзідэнта Расіі Юрый Ушакоў паведаміў, што Уладзімір Пуцін увечары 8 мая правядзе «сяброўскую вячэру» з Аляксандрам Лукашэнкам. Падчас яе бакі маюць абмеркаваць перспектывы развіцця двухбаковых адносін, а таксама міжнародныя і рэгіянальныя праблемы.
Фота: Ramil Sitdikov Pool Photo via AP
Ушакоў заявіў, што Лукашэнка з Пуціным дамовіліся правесці сустрэчу 8 мая падчас тэлефоннай размовы і Пуцін, маўляў, заўсёды рады візітам госця з Мінска:
«Яны вырашылі, што гэта ўдалы момант правесці, адсвяткаваць разам гэтую дату і заадно пагаварыць па надзённых справах, якія назапасіліся. Мы заўсёды рады вітаць Аляксандра Рыгоравіча, ён часты госць у нас».
Раней той жа Ушакоў паведаміў, што сёлета на святкаванне 9 Мая ў Маскву, калі не лічыць Лукашэнкі, прыедуць толькі тры лідары міжнародна прызнаных дзяржаў: прэзідэнт Лаоса Тханглун Сісуліт, вярхоўны правіцель Малайзіі Ібрагім Ісмаіл і прэм'ер-міністр Славакіі Роберт Фіца.
Чытайце таксама:
На святкаванне 9 Мая да Пуціна прыедуць Лукашэнка і яшчэ трое кіраўнікоў дзяржаў