На Сожы ў Гомелі ледзь не патанулі два чалавекі
8 мая ў Гомелі на Сожы ледзь не патанулі двое маладых мужчын. Іх удалося выратаваць супрацоўнікам Таварыства ратавання на водах.
Фота: t.me/osvodrs
Увечары ў службу выратавання паступіла паведамленне, што ў рацэ тонуць людзі. Ратавальнікі хутка прыбылі на месца і дасталі з вады двух мужчын 2001 і 2003 гадоў нараджэння. Пасля гэтага іх перадалі медыкам.
Фота: t.me/osvodrs
Паводле інфармацыі Таварыства ратавання на водах, адзін з сяброў вырашыў пераплысці раку, але не разлічыў сілы. Другі кінуўся яму на дапамогу, аднак таксама пачаў тапіцца. На шчасце, ратавальнікі паспелі своечасова.