Беларусь пашле гуманітарную дапамогу Кубе, Мазамбіку і Ірану
Пастанову аб аказанні гуманітарнай дапамогі на больш чым 2,2 мільёна рублёў падпісаў прэм'ер-міністр Беларусі Аляксандр Турчын.
Здымак ілюстрацыйны. Фота: «Наша Ніва»
Для Кубы падрыхтавалі 30 тон сухога малака і 3,7 тоны медыцынскіх прэпаратаў 16‑ці найменняў.
У Мазамбік адправяцца 10 тон мясных кансерваў, 8,3 тоны сухой малочнай сумесі для харчавання дзяцей, 10 тон сухога абястлушчанага малака і столькі ж пшанічнай мукі. А таксама — 5 тон лекаў 10‑ці найменняў.
Іран ад Беларусі атрымае 6 каркасных намётаў, 103 складныя ложкі, 300 коўдраў і 2900 махровых ручнікоў. Яшчэ дашлюць медыцынскую прадукцыю — 6,75 тоны прэпаратаў 32‑х найменняў.
Агульная сума гуманітарнай дапамогі з улікам дастаўкі грузу выйшла на суму больш за 2,2 мільёна рублёў.
Чытайце таксама:
Урад рэзка павялічыў вывазныя мыты на нафтапрадукты. Рост больш чым у 25 разоў
Адмянілі дзяржпадтрымку на набыццё імпартнага насення