Трамп задумаўся аб пакупцы архіпелага Чагас у Індыйскім акіяне
Ён абмяркоўваў ідэю куплі астравоў з міністрам фінансаў ЗША Скотам Бэсентам.
Google.maps
Прэзідэнт ЗША разглядае магчымасць куплі архіпелага Чагас у Індыйскім акіяне, паведамляе The Telegraph са спасылкай на крыніцы. Паводле выдання, ён абмяркоўваў ідэю куплі астравоў з міністрам фінансаў ЗША Скотам Бэсентам.
Чагас застаецца прадметам спрэчкі паміж Вялікабрытаніяй і Маўрыкіем. Лондан кантралюе архіпелаг з каланіяльных часоў, аднак Маўрыкій дамагаецца яго вяртання і лічыць астравы сваёй тэрыторыяй.
Архіпелаг мае стратэгічнае значэнне: на буйнейшым востраве Дыега-Гарсія размешчана ключавая вайсковая база ЗША і Вялікабрытаніі. Брытанія і Маўрыкій узгаднілі здзелку па перадачы суверэнітэту над Чагасам Маўрыкію, але з захаваннем вайсковай прысутнасці на Дыега-Гарсіі па доўгатэрміновай арэндзе.