У Беларусі ўвядуць ордэн «Бацькоўская доблесць»
У Беларусі рыхтуюцца змены ў закон, які рэгулюе сістэму дзяржаўных узнагарод. Пра гэта паведаміў міністр юстыцыі Яўген Каваленка. Паводле яго слоў, ужо распрацоўваецца законапраект «Аб змяненні Закона Рэспублікі Беларусь «Аб дзяржаўных узнагародах Рэспублікі Беларусь», які ўключаны ў план падрыхтоўкі заканадаўчых актаў на 2026 год, зацверджаны Лукашэнкам.
Здымак ілюстрацыйны. Фота: «Наша Ніва»
Падчас падрыхтоўкі законапраекта спецыялісты розных дзяржаўных органаў аналізуюць некалькі важных пытанняў. Разглядаецца магчымасць стварэння новых дзяржаўных узнагарод і ганаровых званняў, удакладняюцца асобныя нормы дзейнага закона, а таксама вывучаецца парадак вылучэння грамадзян да ўзнагароджання і патрабаванні да людзей, якія могуць атрымаць дзяржаўныя ўзнагароды.
Адной з найбольш прыкметных прапаноў стала ініцыятыва Міністэрства працы і сацыяльнай абароны па стварэнні новага ордэна з працоўнай назвай «Бацькоўская доблесць».
Мяркуецца, што такую ўзнагароду будуць атрымліваць сем’і, якія выхавалі вялікую колькасць дзяцей і на працягу многіх гадоў паказваюць прыклад іншым грамадзянам у захаванні сямейных традыцый, умацаванні сямейных каштоўнасцяў і выхаванні маладога пакалення.
Чытайце таксама:
18‑гадовы сын Рамзана Кадырава Адам атрымаў званне Героя Чачні. Другі раз
Многія добраахвотнікі абурыліся тым, каму далі ўзнагароды ад Ціханоўскай у Кіеве. Баркоўскі адказаў