Італьянцаў абурыў каментар прэзідэнта ФІФА адносна непрысутнасці іх футбольнай зборнай на чэмпіянаце свету

Каментар прэзідэнта ФІФА Джані Інфанціна ў эфіры бразільскага канала CazéTV, дзе ён з іроніяй выказаўся пра пропуск зборнай Італіі ўжо трэцяга па чарзе на чэмпіянат свету, выклікаў незадаволенасць у італьянцаў.

Джані Інфанціна на чэмпіянаце свету 2026 года. Фота: AP Photo / Andre Penner

Адказваючы на пытанне пра тое, што Італія зноў не змагла кваліфікавацца на сусветны форум, Джані Інфанціна пажартаваў, што каманда магла б трапіць на турнір, калі б колькасць удзельнікаў павялічылі спачатку да 64, а магчыма нават да 128 зборных. Гэтыя словы ў Італіі ўспрынялі негатыўна і палічылі іх недарэчнымі.

Італьянская федэрацыя футбола і міністр спорту Андрэа Абодзі выказалі сваё незадавальненне. Па іх словах, такія выказванні не адпавядаюць сур’ёзнасці сітуацыі і могуць абясцэньваць праблемы нацыянальнай зборнай. Міністр таксама заявіў пра намер асабіста звязацца з кіраўніком ФІФА, каб абмеркаваць інцыдэнт.

Сітуацыя вакол італьянскага футбола застаецца складанай: каманда ўжо трэці раз запар не праходзіць на чэмпіянат свету. Гэтым разам каманда страціла шанцы паехаць на мундыяль пасля паражэння ў стыкавых матчах ад Босніі і Герцагавіны, хоць гэтым разам колькасць камандаў-удзельніц рэкордная — 48 замест ранейшых 32.

Каментары да артыкула