Трамп зноў пагражае Ірану вельмі моцнымі ўдарамі. Пакуль Вэнс спрабуе дамовіцца ў Швейцарыі
Прэзідэнт ЗША запатрабаваў, каб Іран спыніў выкарыстоўваць сваіх проксі.
Дональд Трамп. Фота: Alex Brandon-Pool/Getty Images
Дональд Трамп прыгразіў Ірану новымі ўдарамі, калі Тэгеран не спыніць выкарыстоўваць сваіх проксі ў Ліване для стварэння напружанасці.
Такую заяву Трамп зрабіў на фоне мірных перамоў у Швейцарыі.
«Іран павінен неадкладна спыніць сваіх высокааплатных проксі ў Ліване, якія ствараюць праблемы. Калі яны гэтага не зробяць, мы зноў вельмі моцна ўдарым па Іране, як зрабілі гэта на мінулым тыдні, толькі яшчэ мацней!» — напісаў Трамп у сваёй сацсетцы.
Сёння ж у Швейцарыі пачаліся перамовы ЗША і Ірана. Амерыканскую дэлегацыю ўзначальвае віцэ-прэзідэнт Джэй Дзі Вэнс, а іранскую — спікер парламента Махамад-Багер Галібаф.
18 чэрвеня прэзідэнты ЗША і Ірана падпісалі мемарандум аб узаемаразуменні. Пасля гэтага Тэгеран адкрыў Армузскі праліў, аднак праз два дні зноў яго закрыў — праз аднаўленне баявых дзеянняў у Ліване.
Чытайце таксама:
На фоне нявызначанасці адносна перамоў з Іранам прэзідэнт ЗША выправіўся ў Кэмп-Дэвід
ЗША знялі марскую блакаду Ірана
Пезешкіян назваў мемарандум з ЗША гістарычным
Вэнс заклікаў Іран паводзіць сябе як нармальная краіна
З'явіўся поўны тэкст меркаванага амерыканска-іранскага мемарандума аб спыненні вайны ў Іране