У Светлагорскім раёне малое дзіця з’ела бабуліну таблетку і памерла
У Светлагорскім раёне здарылася трагедыя: дзяўчынка, якой не было года, атруцілася медыкаментамі. Пра гэта паведаміла начальнік аддзела пракуратуры Гомельскай вобласці Вольга Шаўчэнка.
Няшчасны выпадак адбыўся яшчэ ў пачатку чэрвеня. Бабуля дастала лекі і пайшла па ваду. У гэты момант дзяўчынка, якой не было і года, здолела дастаць з блістара літаральна адну таблетку і з'есці яе.
Выратаваць яе медыкам не ўдалося.