На трасе пад Лагойскам прычэп лесавоза прабіў агароджу моста і ўпаў на дарогу
Раніцай 14 ліпеня на віцебскай трасе М3 каля Лагойска адбылося дарожнае здарэнне з лесавозам. Паводле папярэдняй інфармацыі, падчас руху ў прычэпа лопнула кола, з-за чаго яго занесла да краю пуцеправода, паведамляе тэлеграм-канал «Логойск. Новости».
Прычэп прабіў агароджу моста і зваліўся на дарогу Р66 (Калачы — Лагойск), а сам грузавік Volvo застаўся на пуцеправодзе.
Нягледзячы на сур'ёзныя пашкоджанні тэхнікі, ніхто не пацярпеў.