Ціханоўская пра офіс у Варшаве: На адзін з паверхаў зможа прыйсці кожны
Дэмакратычная лідарка распавяла пра фармат новага офісу ў Варшаве.
Святлана Ціахноўская на Tutaka. Фота: Офіс Святланы Ціханоўскай
«Тут будзе крыху іншы фармат, чым у Вільні. Мы мяркуем, што гэта будзе своеасаблівы хаб для ўсіх беларусаў, каму трэба прыйсці, папрацаваць, пагаварыць. Адзін паверх будзе адкрыты для такіх актыўнасцяў — кожны зможа прыйсці, паразмаўляць, пасядзець. Менавіта такім мы бачым гэты фармат», — сказала лідарка дэмсілаў на фестывалі Tutaka, піша «Белсат».
Паводле Ціханоўскай, у Польшчы «больш працы з беларусамі», бо тут жыве вялікая колькасць суайчыннікаў і неабходна наведваць больш гарадоў.
Нагадаем, што Ціханоўская пераехала ў Варшаву ў пачатку лютага. Перад гэтым Офіс пяць з паловай гадоў дзейнічаў у Вільні, частка супрацоўнікаў засталася ў сталіцы Літвы, віленскім офісам зараз кіруе дыпламатычны дарадца Дзяніс Кучынскі.