На ўчастку Мінск — Асіповічы на два дні зменіцца расклад руху цягнікоў

Беларуская чыгунка паведаміла пра часовую змену раскладу руху цягнікоў на ўчастку Мінск — Асіповічы 4 і 5 жніўня. Прычынай стануць планавыя рамонтныя работы на чыгуначным мосце на перагоне Пухавічы — Талька.

Здымак ілюстрацыйны. Фота з сацсетак

У гэтыя дні шэраг цягнікоў міжрэгіянальных і рэгіянальных ліній будзе курсіраваць па змененым раскладзе або іншым маршруце, а асобныя рэйсы часова адмяняюцца.

4 жніўня адмяняюцца наступныя цягнікі:

• №708 Мінск — Гомель;
• №740 Мінск — Гомель;
• №715 Гомель — Мінск;
• бесперасадачныя вагоны Гомель — Гродна — Гомель.

5 жніўня не будуць курсіраваць:

• №707 Гомель — Мінск;
• №755 Гомель — Мінск;
• №716 Мінск — Гомель;
• №622 Мінск — Гомель.

Некаторыя цягнікі будуць ісці са змененым маршрутам або раскладам:

4 жніўня:

• цягнік №874 Мазыр — Асіповічы адправіцца з Мазыра ў 17:57 і прыбудзе ў Асіповічы ў 20:38;
• цягнік №876 Асіповічы — Мазыр адправіцца ў 20:54 і прыбудзе ў Мазыр у 23:50.

5 жніўня:

• цягнік №742 Мінск — Магілёў адправіцца ў 9:15 і будзе ісці праз станцыю Орша-Цэнтральная, прыбыўшы ў Магілёў у 12:46;
• цягнік №744 Магілёў — Мінск адправіцца ў 7:15, таксама праз Оршу-Цэнтральную, і прыбудзе ў Мінск у 10:47;
• цягнік №876 Мазыр — Мінск адправіцца ў 7:57 і прыбудзе ў сталіцу ў 12:27;
• цягнік №757 Гомель — Мінск замест звычайнага часу адправіцца ў 9:52 і прыбудзе ў Мінск у 13:44.

Каб забяспечыць перавозку пасажыраў, Беларуская чыгунка прызначыць дадатковыя рэйсы паміж Мінскам і Гомелем, а таксама паміж Гомелем і Асіповічамі.

4 жніўня будуць курсіраваць:

• цягнік №693/672 Гомель — Мінск — Гомель. З Гомеля ён адправіцца ў 9:05 і прыбудзе ў Мінск у 13:28. У зваротным напрамку выедзе з Мінска ў 15:52 і прыбудзе ў Гомель у 19:31;
• цягнік №621 Гомель — Мінск праз Калінкавічы і Оршу-Цэнтральную. Ён адправіцца з Гомеля ў 22:10 і прыбудзе ў Мінск 5 жніўня ў 8:42;
• цягнік №642 Мінск — Гомель выедзе са сталіцы ў 21:00, пройдзе праз Оршу-Цэнтральную і прыбудзе ў Гомель 5 жніўня ў 7:29;
• цягнік №885/886 Гомель — Асіповічы — Гомель адправіцца з Гомеля ў 19:08 і прыбудзе ў Асіповічы ў 21:16. Назад ён адправіцца 5 жніўня ў 8:08 і прыбудзе ў Гомель у 10:16.

Акрамя таго, на ўчастку Мінск — Асіповічы ў гэтыя дні будзе зменены расклад руху цягнікоў рэгіянальных ліній эканомкласа, а частка рэйсаў будзе адменена.

На перагоне Пухавічы — Талька паміж асобнымі цягнікамі для пасажыраў арганізуюць аўтобусныя перавозкі. Скарыстацца імі можна будзе па дзейных чыгуначных квітках.

Каментары да артыкула