Мазырскі НПЗ трапіў пад санкцыі ЕС
У спіс уключаныя некалькі арганізацый.
У Афіцыйным часопісе ЕС апублікаваныя нарматыўныя акты, якімі быў зацверджаны 21‑ы пакет санкцый.
У санкцыйны спіс уключаны Мазырскі НПЗ, Еўрапейская трэйдынгавая кампанія, зарэгістраваная ў Смаленску. Гэта даччыная юрыдычная асоба «Беларускай нафтавай кампаніі».
Пад санкцыі таксама трапілі некалькі арганізацый, звязаных з ваенна-прамысловым комплексам:
- ТАА «Чып і Дып»;
- ААТ «Рагачоўскі завод «Дыяпраектар»;
- ААТ «КБ Дысплей»;
- ЗАТ «Завод корпусных вырабаў».
Раней у санцыйным спісе быў «Нафтан».