У Беларусі сталі арганізоўваць менш школьных кірмашоў
Міністэрства антыманапольнага рэгулявання і гандлю паведаміла, што ў Беларусі працягвае скарачацца колькасць школьных кірмашоў, якія традыцыйна праводзяцца перад пачаткам навучальнага года, піша БелТА.
Здымак ілюстрацыйны
Як адзначыла намесніца начальніка аддзела метадалогіі ўпраўлення арганізацыі гандлю і грамадскага харчавання МАРГ Кацярына Макуценя, такая тэндэнцыя назіраецца ўжо некалькі гадоў. Асноўная прычына — паступовы пераход пакупнікоў да анлайн-гандлю.
Разам з тым продаж тавараў для школьнікаў ужо стартаваў у сярэдзіне ліпеня і працягнецца амаль да канца верасня. Набыць школьнае адзенне, абутак, канцылярскія тавары і іншыя неабходныя рэчы можна ва ўнівермагах, гіпермаркетах і фірмовых крамах беларускіх вытворцаў.
У многіх гандлёвых аб'ектах арганізаваныя дадатковыя месцы продажу, аформленыя спецыяльныя куткі для першакласнікаў і школьнікаў. Амаль у кожнай буйной краме працуюць асобныя секцыі з канцылярскімі таварамі.
Паводле аператыўных звестак аблвыканкамаў і Мінгарвыканкама, у 2026 годзе па ўсёй краіне плануецца правесці каля 250 школьных кірмашоў, кірмашоў выхаднога дня і выстаў-продажаў.
Чытайце таксама:
У Брэсце школьнік паспрабаваў паўтарыць футбольны трук, але апынуўся ў бальніцы
На Слонімшчыне школьнікі знайшлі 500 артэфактаў і манету XVII стагоддзя