Прынцэса Даніі пачала служыць у арміі
Прынцэса Даніі Ізабэла пачала праходзіць службу ў арміі. Дзяўчыне 19 гадоў, піша BT.dt.
Прынцэса Ізабэла, фота з яе інстаграма
Прынцэса Ізабэла, дачка караля Даніі Фрэдэрыка Х, у панядзелак прыбыла ў казармы Антворскаў, дзе правядзе 11 месяцаў вайсковай службы ў Гвардзейскім гусарскім палку.
Адзначаецца, што Ізабэла адмовілася ад атрымання дапамогі на пражыванне ў памеры 8 300 дацкіх крон (1100 еўра), а таксама ад заробку ў памеры 9 000 крон (1200 еўра). Прынцэса пройдзе базавую падрыхтоўку, якая доўжыцца пяць месяцаў, пасля чаго пяройдзе да этапу баявой і практычнай службы працягласцю шэсць месяцаў.
Журналісты адзначылі, што раней у Гвардзейскім гусарскім палку служыў старэйшы брат прынцэсы — крон-прынц Крысціян.