Паляшук засумняваўся ў сапраўднасці подпісу бацькі ў завяшчанні
Што вырашыла экспертыза?
Жыхар Драгічына звярнуўся ў кампетэнтныя органы з заявай па факце разгляду пытання законнасці і дакладнасці завяшчання бацькі, памерлага ў гэтым годзе ў Іванаўскім раёне.
Згодна з юрыдычным дакументам усю маёмасць яго бацька завяшчаў дачцэ. Такі факт выклікаў сумнеў у заяўніка, які сцвярджаў, што подпіс бацькі ў завяшчанні маглі падрабіць зацікаўленыя асобы.
Але эксперты Пінскага аддзела Дзяржкамітэта судовых экспертыз даказалі, што подпіс сапраўдны.
Выяўленыя асаблівасці почырку эксперты патлумачылі натуральнымі ўзроставымі зменамі, што паставіла кропку ў спрэчцы паміж сваякамі.