Чатырохгадовы хлопчык патануў у Мазырскім раёне
Няшчасце здарылася ўчора ў вёсцы Балажэвічы, паведамляе СК.
Прыпяць. Ілюстрацыйнае фота
Увечары жанчына згубіла з поля зроку свайго 4‑гадовага ўнука, які з пачатку лета гасціў у яе. Дзіця незаўважна для дарослых выйшла з двара на вуліцу.
Падчас самастойных пошукаў сваякі знайшлі на беразе копанкі ракі Прыпяць за домам рэчы хлопчыка і паведамілі пра здарэнне ў МНС.
Вадалазы, якія прыбылі на месца, дасталі з вады цела дзіцяці.