Знішчальнікі НАТА збілі дрон у Латвіі
Уначы ў шэрагу раёнаў Латвіі абвяшчалася паветраная трывога, зараз яна адмененая, паведамляе LSM са спасылкай на Нацыянальныя ўзброеныя сілы (НУС).
Балвскі край мяжуе з Расіяй, Google maps
Прадстаўніца Аб’яднанага штаба НУС Івета Берзіня паведаміла, што дрон быў збіты ў Балвскім краі. Цяпер там праводзіцца абследаванне тэрыторыі ў пошуках абломкаў.
Пра якія-небудзь разбурэнні або пацярпелых не паведамляецца. Таксама пакуль няма афіцыйных звестак пра паходжанне дрона.