У Іране назвалі каманду Трампа «клоўнамі» на фоне спрэчкі вакол Армузскага праліву
Спікер парламента Ірана Махамад Багер Галібаф высмеяў адміністрацыю прэзідэнта ЗША Дональда Трампа на фоне супрацьстаяння вакол Армузскага праліву.
Дональд Трамп у суправаджэнні міністра абароны Піта Хегсета (справа), дзяржсакратара Марка Рубіа (трэці злева), спінамі сядзяць віцэ-прэзідэнт Джэй Дзі Вэнс і міністр фінансаў Скота Бесэнта. Фота: Jacquelyn Martin / AP
У публікацыі ў X ён раскрытыкаваў міністра фінансаў Скота Бесэнта і міністра абароны Піта Хегсэта і назваў амерыканскую адміністрацыю «камандай клоўнаў». Паводле слоў Галібафа, Вашынгтону не варта чакаць, што яна «дастане труса з капелюша і ліквідуе хаос», піша Bild.
Заява прагучала пасля таго, як Трамп апублікаваў карту, на якой Армузская праліва была пазначана як «новая тэрыторыя ЗША». Раней прэзідэнт ЗША казаў, што Вашынгтон фактычна кантралюе праліў, і заяўляў, што не спяшаецца заключаць новае пагадненне з Тэгеранам.
Тэгеран сцвярджае, што працягвае блакаваць праліў і патрабуе ад ЗША адмены нафтавых санкцый, размарожвання іранскіх актываў і спынення ваенных аперацый у рэгіёне. Армузская праліва застаецца адным з найважнейшых маршрутаў сусветнага гандлю нафтай.
Эксперт па Блізкім Усходзе Джонатан Шанцер з Фонду абароны дэмакратыі лічыць, што Тэгеран разлічвае выкарыстаць рост коштаў на нафту і ціск на суднаходства, каб дамагчыся саступак ад Вашынгтона.