У Оршы затрымалі налётчыка, які днямі абрабаваў ювелірную краму ў Мінску
Яму пагражае да 15 гадоў.
Супрацоўнікі крымінальнага вышуку МУС пры сілавой падтрымцы байцоў «Алмаза» і АМАПа затрымалі мужчыну, які ўчыніў разбойны напад на ювелірную краму, паведамляе прэс-служба МУС.
У пятніцу зламыснік у медыцынскай масцы, пагражаючы прадметам, падобным да пісталета, завалодаў ювелірнымі вырабамі і знік з месца злачынства.
За суткі яго затрымалі ў Оршы. Гэта 34‑гадовы мінчук, які спрабаваў уцячы за мяжу разам з выкрадзенымі ювелірнымі вырабамі.
Яму пагражае да 15 гадоў.