Стала вядомая асоба рабочага «Беларуськалія», які загінуў пры абрушэнні горнай пароды
У Дзмітрыя Пятровіча засталіся двое дзяцей.
Дзмітрый Пятровіч. Фота: Укантакце, фон згенераваны нейрасеткай
Дзмітрыю Пятровічу было 49 гадоў. Ён працаваў горным майстрам на рудніку «Беларуськалія». У яго засталіся жонка і двое дзяцей — сын і дачка.
За два месяцы да трагедыі яны ўчацвярых з'ездзілі на адпачынак у Турцыю.
17 жніўня падчас выканання работ па ўстаноўцы стоек у шахце на глыбіні 445 метраў адбылося абрушэнне горнай пароды. Нягледзячы на высілкі медыкаў, Дзмітрый памёр.