У выніку паводкі ў Непале прапалі 384 турысты
Пасля раптоўнай паводкі на рацэ Бхотэ-Кошы ў раёне Расува на поўначы Непала без вестак зніклымі лічацца не менш за 384 турысты. Сярод іх 291 замежны грамадзянін і 93 грамадзяне Непала, паведамляе Савет па турызме Непала.
Ілюстрацыйнае фота. Subaas Shrestha/NurPhoto via Getty Images
У выніку магутнай паводкі загінулі як мінімум восем чалавек, паведамляе партал BSS News са спасылкай на прадстаўніка паліцыі.
Сярод замежнікаў, якія лічацца зніклымі без вестак, больш за ўсё грамадзян Індыі — 105 чалавек. Яшчэ 37 чалавек маюць індыйскае паходжанне, але не з'яўляюцца грамадзянамі Індыі.
Таксама ў спісе ёсць грамадзяне Аўстраліі, Нідэрландаў, ЗША, Малайзіі, Вялікабрытаніі і ПАР. Грамадзянства астатніх зніклых турыстаў высвятляецца.