Старонку пасла Украіны па беларускіх пытаннях прызналі «экстрэмісцкай»
Міністэрства інфармацыі Беларусі чарговы раз папоўніла «Рэспубліканскі спіс экстрэмісцкіх матэрыялаў».
Сярод іншага пад забарону патрапіў Instagram-акаўнт Яраслава Чарнагора — дыпламата і спецпрадстаўніка Украіны па беларускіх пытаннях.
Украіна ў маі прызначыла адказным за супрацоўніцтва з Беларуссю Яраслава Чарнагора. Яго прызначэнне было заклікана актывізаваць дыялог паміж афіцыйным Кіевам і беларускімі дэмакратычнымі сіламі.
Акрамя гэтага, у спіс «экстрэмісцкіх» уключылі:
Instagram-старонкі: «mаldzіs. world» (MALDZIS) і «vasilkov»; тэлеграм-канал «Доска объявлений (Poznań) | Барахолка», а таксама вядомую песню «Номера» гурта «ЛСП».