Скончылі будаўніцтва Нацыянальнага гістарычнага музея

У Нацыянальным гістарычным музеі Беларусі афіцыйна скончыліся будаўнічыя работы. Цяпер будынак прыбіраюць ад будаўнічага пылу і мыюць, пасля чаго яго перададуць эксплуатацыйнай арганізацыі, паведаміў «Мінскбуд».

Завершанае і ўнутраная аздабленне, якое пачалі зімой. Наступным этапам стане мастацкае афармленне памяшканняў і напаўненне музейных залаў экспанатамі.

У музеі ўжо працуюць больш за 80 спецыялістаў «Мастацкага камбіната». Яны раней займаліся афармленнем станцый метро «Грушаўка», «Малінаўка», «Кавальская слабада», музея ў Хатыні, капліцы Старога замка ў Гродне і іншых важных аб'ектаў.

Будаўніцтва музея на вуліцы Арлоўскай завяршылі значна хутчэй за запланаваны тэрмін — усяго за 17 месяцаў замест 27. Яшчэ ў сакавіку 2025 года на гэтым месцы быў толькі катлаван, а цяпер тут стаіць новы будынак.

Першапачаткова здаць аб'ект планавалі да лістапада 2026 года.

Каментары да артыкула