12‑гадовая дзяўчынка ў Расіі нарадзіла дзіця
Гэта адбылося ў Растове, але расследаваннем займаюцца ўлады акупаванай Расіяй часткі Запарожскай вобласці Украіны.
Ілюстрацыйнае фота
У расійскім Растове 12‑гадовая дзяўчынка нарадзіла дзіця. Пра гэта паведамляе 161.ru са спасылкай на гарадскі перынатальны цэнтр. Роды адбыліся ў жніўні.
«Інфармацыя пра гэтую пацыентку была перададзена ў праваахоўныя органы, расследаванне праводзіцца ў Запарожскай вобласці», — адзначыў галоўны доктар перынатальнага цэнтра Максім Уманскі.
Паводле яго слоў, органы апекі перададуць нованароджанага ў біялагічную сям’ю, дзе ён і будзе выхоўвацца. Пра тое, пра якіх менавіта сваякоў ідзе гаворка, не ўдакладняецца.
Таксама невядома, хто з'яўляецца бацькам дзіцяці, як дзяўчынка зацяжарыла і ў якім яна стане пасля родаў.