Расійская армія знішчыла каля 90% складоў гандлёвых сетак ва Украіне
Але гэта не азначае, што ўкраінцы застануцца без прадуктаў харчавання.
Удар па складзе Чырвонага Крыжа ў Херсоне
Расійская армія знішчыла каля 90% складоў гандлёвых сетак ва Украіне. Пра гэта заявіў міністр аграрнай палітыкі Украіны Тарас Высоцкі.
«Каля 90% ужо знішчана. Але разам з тым гэта не азначае, што ўкраінцы застануцца без прадуктаў харчаваньня. Пагрозы голаду няма», — сказаў міністр.
Паводле слоў Высоцкага, ва Украіне будуць мяняць сістэму паставак і выкарыстоўваць іншыя варыянты аператыўнага забеспячэння, у тым ліку прамыя пастаўкі ад вытворцаў у гандлёвыя сеткі.