У Любанскім раёне бык траўмаваў мужчыну, які гнаў яго ўзважвацца

26 жніўня ў адной з вёсак Любанскага раёна мужчына 1964 года нараджэння атрымаў траўмы падчас кантакту з быком, паведамляе «Мінская праўда».

Здымак ілюстрацыйны. Фота: gpp.by

Па інфармацыі Следчага камітэта, здарэнне адбылося, калі жывёлу заганялі на ўзважванне. Бык штурхнуў мужчыну тулавам, у выніку чаго той атрымаў спалучаную траўму.

Пацярпелага шпіталізавалі. У медыкаў таксама ўзнікла падазрэнне на пералом вяртлужнай западзіны — часткі тазавай косткі, якая ўтварае сустаўную ўпадзіну для сцегнавой косткі.

Каментары да артыкула