Анджаліна Джалі наведала баксёрскі клуб у Харкаве
Яе сын трэніраваўся разам з украінскімі вайскоўцамі.
Фота: spadkoyemets.kh / Іnstagram
Амерыканская актрыса Анджаліна Джалі нечакана завітала ў харкаўскі баксёрскі клуб Spadkoyemets. Разам з ёй быў 18‑гадовы сын Нокс.
Паводле прадстаўнікоў клуба, Нокс правёў трэніроўку па тайскім боксе разам з украінскімі вайскоўцамі.
«Мы вельмі ўдзячныя і шчаслівыя, што вы выбралі менавіта нашу залу. Дзякуем за чалавечнасць, шчырую цікавасць да клуба і гісторыі яго стварэння», — напісалі ў Spadkoyemets.
Джалі вядомая гуманітарнай дзейнасцю і падтрымкай Украіны. Пасля пачатку поўнамаштабнай расійскай агрэсіі яна наведвала Львоў, Херсон і іншыя ўкраінскія гарады.