З 1 кастрычніка забараняецца лавіць рыбу ў зімавальных ямах
З 1 кастрычніка ў Беларусі ўводзіцца забарона на аматарскую і прамысловую лоўлю рыбы ў зімавальных ямах. Яна будзе дзейнічаць да 15 красавіка 2027 года. Мера неабходная для прадухілення масавага вылаву рыбы і захавання яе папуляцыі ў перыяд зімоўкі.
Здымак ілюстрацыйны. Фота: magnific.com
У Міністэрстве сельскай гаспадаркі і харчавання нагадалі, што зімавальная яма — гэта ўчастак вадаёма, дзе рыба перажывае халодны перыяд.
Забарона прадугледжаная правіламі аматарскага рыбалоўства. Узімку ў большасці відаў рыб запавольваецца абмен рэчываў, зніжаюцца актыўнасць і інтэнсіўнасць харчавання. З-за гэтага рыба становіцца больш лёгкай здабычай, таму ў гэты перыяд яна асабліва ўразлівая.
Спіс вадаёмаў, дзе знаходзяцца зімавальныя ямы, размешчаны на афіцыйным сайце Мінсельгасхарча.
Чытайце таксама:
У Оршы рыбак знайшоў у вадзе рэвальвер, прыдатны для стральбы
На Прыпяці злавілі сома вагой 75 кілаграмаў ФОТЫ
Беларус паказаў нечаканае месца для паспяховай рыбалкі ў цэнтры Мінска