У Шчучынскім раёне пад машыну трапіла васьмігадовая дзяўчынка
У Шчучынскім раёне легкавы аўтамабіль збіў васьмігадовую дзяўчынку. Аварыя адбылася 24 верасня каля 17:00 у аграгарадку Васілішкі, паведамляе УУС Гродзенскага аблвыканкама.
25‑гадовы кіроўца аўтамабіля Rover ехаў па Савецкай вуліцы ў напрамку Кастрычніцкай. Каля дома №51 ён наехаў на дзяўчынку, якая перабягала дарогу злева направа па ходзе руху аўтамабіля па-за пешаходным пераходам.
У выніку аварыі дзіця атрымала траўмы і было шпіталізавана з пераломамі.