Bloomberg: Трамп прапанаваў Зяленскаму правесці сустрэчу з Пуціным у Маскве
дапоўнена
Прэзідэнт ЗША Дональд Трамп падчас сустрэчы з Уладзімірам Зяленскім на палях Генеральнай асамблеі ААН прапанаваў прэзідэнту Украіны правесці сустрэчу з Уладзімірам Пуціным у Маскве. Пра гэта 25 верасня паведаміла агенцтва Bloomberg са спасылкай на свае крыніцы.
Здымак ілюстрацыйны. Фота: vecteezy.com
Паводле суразмоўцаў агенцтва, Зяленскі адхіліў прапанову Трампа. Яна, як сцвярджаецца, выклікала незадаволенасць украінскага прэзідэнта.
Неўзабаве, аднак, карэспандэнт выдання Financial Times Крыстафер Мілер аспрэчыў гэтую інфармацыю:
«У офісе Уладзіміра Зяленскага, у тым ліку чыноўнікі, якія прысутнічалі на сустрэчы, паведамляюць мне, што гэтага не было; падчас іх сустрэчы ў ААН Трамп не заклікаў прэзідэнта Украіны сустрэцца з Пуціным у Маскве. Лідары дзвюх краін абмеркавалі патэнцыйныя будучыя трохбаковыя перамовы, але тое, што апісана ў артыкуле [Bloomberg], не адбывалася».
«Гэта непраўдзівая інфармацыя», — паведаміў пасля журналістам і дарадца ўкраінскага прэзідэнта Дзмітрый Літвін.
Раней Пуцін ужо заяўляў пра гатоўнасць прыняць Зяленскага ў Маскве. Зяленскі ў адказ называў такія запрашэнні «гульнямі» і прапаноўваў правесці сустрэчу ў нейтральнай краіне. Сярод магчымых месцаў ён называў Швейцарыю і Турцыю.
23 верасня, адказваючы на пытанні расійскіх прапагандыстаў, калі ён прыедзе ў Маскву, Зяленскі сказаў, што можа прыляцець «на ракеце».
Чытайце таксама:
«На ракеце». Зяленскі рэзка адказаў расійскім журналістам
Зяленскі выказаўся за энергетычнае перамір'е з Расіяй, але сумняецца, што яна будзе яго выконваць
Зяленскі пра магчымыя перамовы ў Маскве: Гэта складана, там шмат украінскіх дронаў