У Латвіі зафарбавалі дарожныя ўказальнікі на Маскву
Недалёка ад Рэзэкнэ (усходняя частка краіны) на аўтадарозе A12 заўважылі некалькі зафарбаваных дарожных знакаў, на якіх былі закрытыя ўказальнікі на расійскія гарады — Маскву і Востраў.
Фота: Marta Puzaka / LSV Latgales redakcija
Пашкоджаныя дарожныя знакі заўважылі ў панядзелак, аднак невядома, калі менавіта іх зафарбавалі, піша LSV.
Дзяржаўнае таварыства «Latvijas Valsts ceļi» паведаміла, што гэтыя дзеянні з дарожнымі знакамі не былі ўзгодненыя з прадпрыемствам. Па факце здарэння распачаты крымінальны працэс паводле часткі першай артыкула 185 Крымінальнага закона — за наўмыснае знішчэнне або пашкоджанне чужой маёмасці.