Кіт Келаг параіў Пуціну, як ён можа вельмі хутка завяршыць вайну
Былы спецыяльны прадстаўнік прэзідэнта ЗША па пытаннях Украіны Кіт Келаг заявіў, што Уладзімір Пуцін можа хутка завяршыць вайну супраць Украіны, калі абвясціць расіянам пра «перамогу» і выведзе расійскія войскі з акупаваных тэрыторый.
Кіт Келаг. Фота: Dursun Aydemir / Anadolu via Getty Images
«Я мяркую, што для расіян гэта вайна можа скончыцца ўжо заўтра і вельмі лёгка. Усё, што Пуціну трэба зрабіць, гэта абвясціць пра «перамогу» і выбірацца прэч дадому», — параіў Келаг кіраўніку Крамля.
Ён таксама выказаў меркаванне, што Пуцін не мае намеру захопліваць усю тэрыторыю Украіны. Адной з прычын гэтага Келаг назваў тое, што Расія, на яго думку, проста не мае такіх магчымасцяў:
«У яго няма баявых магчымасцяў для гэтага. І ён заўсёды атакуе цэнтры населеных пунктаў».
Асобна Келаг выказаўся пра пазіцыю Украіны і высока яе ацаніў.
«Украіна не збіраецца здавацца. Украінцы не збіраюцца добраахвотна аддаваць зямлю. Яны — выдатная баявая сіла. Яны выканалi выключную, надзвычайную працу. І я думаю, што нам проста трэба сказаць прэзідэнту Пуціну тое, чаго ён не хоча рабіць: вам час вярнуцца дадому і спыніць гэтую вайну!» — заявіў ён, звяртаючыся да Пуціна.
Келаг таксама сказаў, што, на яго думку, Расія ніколі не зможа перамагчы ў гэтай вайне.
Чытайце таксама:
Кіт Келаг расказаў, навошта ЗША вялі перамовы з Лукашэнкам
Кіт Келаг: Калі Лукашэнка ўступіць у вайну з Украінай — гэта будзе яго канец
Келаг раскрытыкаваў НАТА і прапанаваў стварыць новы альянс з удзелам Украіны
Кіт Келаг: Калі Украіна перажыве гэту зіму — перавага будзе на яе баку